Zazpi itsasontzik osatu zuten Elkanoren bigarren bidaiako flota, horietako asko Bilboko Itsasadarrean eraikitakoak. Flota horren eraikuntza Elkanok berak zuzendu zuen, bere itsasontziek ezaugarri guztiak batzen zituzten bidaia ozeaniko bat egin ahal izateko.

Albaolako San Juan itsasontzia bisitatuz, XVI. mendeko nabe ozeanikoak nolakoak ziren ezagutuko dugu. Pasaiako baleontziak ozeanoa zeharkatu behar zuen itsasontzi baten ezaugarriak erakusten dizkigu, eta Elkanok erabili zituen itsasontziek nolakoak izan behar zuten ulertzeko adibide gisa balio digu.