Agenda
CINE
ZINECITTÁ
Il ritorno di Maciste, Maurizio Sciarra
Zinecittà, 2016an Bilbon sortutako Italiako zinema jaialdia, lehen aldiz iritsiko da Donostiara 2026ko azaroaren 27tik 29ra. Tabakalera izango du egoitza nagusi, eta Itsas Museoan ere proiekzio bat egingo da. Lehen edizio honek Italiako zinemaren garai eta molde desberdinetan barrena ibilbidea proposatzen du, memoria, musika eta identitatea uztartuz.
Itsas Museoak Gipuzkoak eta Liguriak, Zinecittàren edizio honetako eskualde gonbidatuak, partekatzen duten portu-tradizioa omenduko du, Maurizio Sciarraren Il ritorno di Maciste filmaren proiekzioarekin. Dokumentala eta fikzioa uztartzen dituen film honek zinemaren hastapenetara garamatza, pantailako heroi bihurtu zen Bartolomeo Pagano zamaketari genovarraren figura berreskuratzeko.


SINOPSIS
Maciste gaur egun pantailatik agertzen da Cabiria filmaren emanaldi batean, eta Steve Della Casaren gidaritzapean memoria eta identitatearen arteko bidaia bati ekiten dio. Lekuen, artxiboen eta zinema mutuaren bidez, Bartolomeo Pagano dela deskubritzen du: Pastroneri esker Italiako zinemaren lehen superheroi bihurtu zen Genovako portuko zamaketaria. Dokumentala eta fikzioa uztartzen dituen kontakizuna da, zinemaren hastapenak, industria kulturalaren sorrera eta herri-heroien eginkizuna aztertzen dituena, Italiako lehen zinema mutuaren berrikuntza eta mugak berreskuratuz.

























































