Berriak
Gure programa
Artea zuzenean
Formato Norte artista taldeak Kontxako estropaden mural bat sortu du Euskal Itsas Museoaren kanpoko horman
Obra #Kontxa1922 ekimenaren barruan egindako egoitza artistikoaren emaitza da.
#Kontxa1922 proiektuaren barruan, Aquariumak eta Euskal Itsas Museoak egoitza artistiko bat antolatu dute. Bertan, "Formato Norte" estudioa partekatzen duten hainbat artista donostiarrek horma-irudi bat sortu dute 1922ko Kontxako Banderaren estropadetan oinarrituta, eta, horrela, Elkano Estropaden mendeurreneko itsas ondareari eta oroimen historikoari balioa eman diete.
Obra kolektibo bat eraikitzea
Donostiako artistek egindako lana elkarlaneko lan bat da, non Iñigo Sesma artistaren lengoaia figuratiboena eta Gabriel Coca eta Mikel "Remak" artisten lengoaia abstraktu eta pintorikoena elkartzen diren. Emaitza mural koloretsu eta kolaboratibo bat izan da, museoaren fatxadan libreki bisitatu ahal izango dena.
Obra egiteko, artistak 1922ko Kontxako Banderan oinarritu dira, Museoak emandako garai hartako irudi zaharretan eta prentsan oinarrituta, trainerua, bandera bera edo arrauna bezalako elementuak biltzen dituen konposizio bat sortzeko.
“Formato Norte” estudioa hamar urte inguru elkarrekin lanean daramatzaten zazpi artista independentek osatzen dute, eta bi urte inguru Donostiako Egia auzoan sormen estudioa partekatzen dute.
