Oraingo Erakusketak

Erakusketa

24H Egun bat Victoria ontzian

2021eko ekainaren 25etik 2022ko urtarrilaren 9ra

Prezioa: DOAN

Hizkuntza: Eusk | Esp | Fr | Eng

24 H. Egun bat Victoria ontzian erakusketak ontziko bizitzaren xehetasunak biltzen ditu, eta mundua aldatu zuen itsas bidaian murgiltzen ditu bisitariak. Giroak, eraikinak berak… egun bat eta gau bat bizi ahal izango ditugu Victoria ontzian, bidaia luzeena osatu zuen itsasontzi bakarrean.

Juan Sebastian Elkanoren Victoria ontzian bizi izandako edozein eguni buruzkoa da. Magallanesek Erregearengandik jasotako jarraibideak, pilotuen, bidaiarien eta marinelen testigantzak eta XVI. mendeko nabigazio eskuliburuak oinarritzat hartuta, «bidaia luzeenaren» ibilbide osoa berreraiki da, bai eta Elkanok eta haren gizonek bizitako esperientzia ere.

Benetako lekukotasunetatik ateratako aipuak, XVI. eta XVII. mendeetako tratatuak, eta Erregeak Magallanesi emandako ordenantzetatik ateratako zatiak, Gordailuko objektuak, elikagaiak eta ikus-entzunezko edukiak, eszenografia murgiltzailea osatzen dute, bisitariari egun bat Victoria ontzian sentitzen lagunduko diona.

24 H. Egun bat Victorian erakusketak, Bidaiarik luzeena proiektua osatzen du.

El viaje más largo

BIDAIARIK LUZEENA ERAKUSKETA

2021eko ekainaren 25tik 2021eko urriaren 24ra:

Erakusketa San Telmo Museoan

Juan Sebastián Elkanok eta Victoria itsasontziko gizonek lehen mundu bira egitea lortu zuten 1522an, eta Fernando de Magallanesek 1519an hasitako bidaia eraldatu zuten. Murgil zaitez mundua aldatu zuen bidaiaren esperientzian.

MUSEOA FAMILIAN

Familiei pista jolas bat eskaintzen diegu erakusketa euren kabuz bisitatzeko.  Horrela, Txanton saguaren laguntzarekin, familia osoak zuzenean ikusi ahal izango du nolakoa zen itsasontzian egun bat eta gau oso bat pasatzea.

Mapa doakoa da, 6 eta 12 urte bitarteko haurrentzat da eta museoko harreran dago eskuragarri.

PROGRAMAZIOA

Hilean bi larunbat txandakatuko dira, eta 24H Egun bat La Victoria-ren esperientzia dinamizatuko da, publiko gazteenari zuzendua, Museoko bitartekaritza-taldearen laguntzarekin.

Bisita dinamizatuak

Bisitak "nahieran"

24H egun bat La Victorian

LASTER

Irailetik aurrera, erakusketari lotutako familia tailerrak eskainiko ditugu berriro. Informazio hori gure agendan argitaratuko dugu